بجد نفسي اعرف مين صاحب فكرة ان اسوار المدارس الحكومية والخاصة – أحياناً – يترسم عليها علشان اقوله فكرة حضرتك هباااااب هباااب ، منتهي التلوث البصري اسوار المدارس بقي شكلها بشع زي العجوز الشمطاء اللي بتحط ميكب بغباء يعني في طريقي من الشغل للبيت بعدي علي 3 – 4 مدارس حسب الطريق اللي بياخدة الميكروباز وياسلام بقي لو رايحة فيصل عند اختي الشارع فيه ما لا يقل عن 4 مدارس كلهم أسواء من بعض بالكتابات الركيكة والرسوم اللي شبة رسوم أطفال الحضانة وغالباً كانت الغاية تجميل هذه الأسوار ومنع وضع الإعلانات عليها لكن التنفيذ جه اكتر من سئ طبعاً دة متوقع لأن كل مدرسة مسئولة عن دهان السور بمعرفتها وفي النهاية بترسي علي خطاط جنبهم
يعني يوم ما نفكر فكرة كويسة ننفذها تنفيذ هباب الرسومات الموجودة علي أسوار المدارس منظر في منتهي البشاعه يعني كان هايحصل إية لو وزارة التعليم نسقت مع وزاةر التعليم العالي وسابت الأسوار دي لطلبة فنون جميلة كتدريب صيفي علي الأقل مكناش هانشوف المناظر اللي تجيب الإكتئاب دي
يارب صبرني علي العيشة في البلد دي
يالههههههههههههههههههههههههههوي
|
السلام عليكم
مين صاحب الفكره الهباب ؟
سؤال صعب
لأن حضرتك لو فكرتى فى كل نصيبه وحاجه غلط بتتعمل وتصيب الناس بالحالات من التسمم الفكرى والتخلف العقلى وفساد الازواق ,انحدار الاخلاق ستجدى أكيد أصحاب المصالح.
مثلا الرسم على الاسوار ولو تركت لطلبه
الفنون الجميله والفنون التطبيقيه ستجدع ابداع وبدايات لفنانين واحساس بالعطاء للمجتمع
لكن هذا لايتفق مع الافكار المطلوبه
والمصالح المستهدفه وكما يقال( فتح عينك تاكل ملبن) وأذا فتحتهم جدا
أكيد هتاخد بوكس فى عينك
ما علينا
حضرتك عايزه الجمال ينتشر فى اسوار مدينه القاهره ومدن مصر
لاحرام ده حتى الناس مش هتعرف تروح بيوتهم, عارفه ليه!
لأنهم هيتوهوا(بالفصحى هيفقدوا العلامات المميزه لمنازلهم) من الزباله والباعه المتجولين
بس خلاص أكيد أنا توهت ومش هعرف أرجع على مدونتى
تحياتى لاسلوبك الرائع
محمد
و الله الموضوع فى الجون بجد
فعلا الرسومات اللى على المدرسة دى فكرة متخلفة زى اغلب الافكار اللى بنلاقيها طالعة كل شوية و مطلعلنا لسانها....و كمان كل اللى خارج من المدرسة يقعد يرسم على اللى مرسوم يعنى حاجة زبالة زبالة يعنى ...ربنا يصبرنا كلنا احنا كمان على التخلف اللى فى البلد دى
مدرستى جميلة..نظيفة..متطورة
وتلاقى الزبالة حوالين الكلام بالظبط
ههههههههههههه
انا حاسس انك متغاظة قوى بجد
هدى نفسك شوية
البلد محتاجاكى
والله عندك حق في كلامك ده كله
الموضوع ده فكرني باللي حصل مع جراج رمسيس بعد ما بنوه وبقى ميت فل واربعتاشر جم قالوا لأ ده غلط وبيهدد أمن المواكب اللي بتعدي من على كوبري 6 أكتوبر
أهدم أهدم أهدم
وأفتكر أن لو كل شيء اتنفذ بشكل أكاديمي زي ما قولتي أكيد بلدنا دي هتبقى حاجة تانية
بس في ناس كتير مش عايزاها تبقى حاجة تانية :(
تحياتي لنظرتك اللماحة
وليد
انتى بتقولي فى ايه بس يا بنتى
طب دة سور كلية الفنون الجميلة رفضوا يخلوا الطلبة يقسموه ويعملوه موزاييك كمشروع تخرج.
ببساطة استسهال
محدش من المسئولين هيتعب نفسة شوية
هم بيخلوا الطلبة بتوع المدرسة يرسموا الصور بأرخص انواع البوية كمان مش الألوان
رأيى ان الفكرة حلوة بحد ذاتها
كسر للملل وللرتابة و(البواخة )
بتاعة المدرسة بحد ذاتها ولكن بشرط
تنفيذاها ببراعة وبأتقان وهذا مالم يحدث كما هو واضح فى كلامــــــــك!!
السلام عليكم
مصر تبدع
والمصريين أصحاب أفكار نيرة
اول مرور مدونه رائعه اتمنى التواصل
حلم
بصى انا مش معاكى
انا موافق عليها كفكرة
بس كتنفيذ يسبوها للى زى كده :D
بتوع الفنون التجميلية :D
او يدو فرصة للي يقدرو يبدعوا
على فكرة
انا راسم على مدرستنا بتاعة زمان
وراسم كمان على عمارتنا :D
هبقى اصورهم وتقوليلى رايك انفع ولا لآ
تحياتى
وكل سنة وانتى طيبة رمضان كريم
إيه تعمل الماشطه فى الشعر العكر
مش لو المدارس أصلا بتعمل حاجه ندور على تزينها من بره بطريقه تليق بلى جواها الله يرحم لما كنا بنزين الفصول ونتنافس على احسن فصل واشطر فصل واحنا فى الابتدائيه
تقبلى مرورى