المكان : محطة المترو أول الخط - عربة سيدات
واحد قاعد في العربية بتاعه السيدات وواخد راحته المترو يقف تهجم البنات كلها يتعدل ويبص يمينة وشماله في رعب
- هوانا راكب غلط ولا حاجة
اهز راسي بالموافقة علشان اقصر وبقول في سري راجل محترم والله مش زي الباقين
- هي العربية دي سيدات فقط
اهز راسي بابتسامة ودودة فيقلب وشه في تعبير عن الضيق
- طبعا ربنا يخليلكم سوزان مبارك وحقوق المرأة
مرضيتش علية علشان مش بحب اتكلم في السياسه الصبح ومش عارفة ايه العلاقة بين سوزان مبارك وحقوق المرأة وعربية السيدات واحده من الركاب أطوعت وقالت له انزل المحطة الجاية واخد العربية المشتركة احسن تدفع غرامة أول ما سمع الغرامة قام في استسلام - شكلة كان هايعمل عبيط - ومشي ناحية عربية السيدات التانية هنا بقي كان لازم اتدخل
- حضرتك دي عربية سيدات برضة عربية الرجالة الناحية التانية
بصلي في غضب وقال وهو بيشخط
- لا بقي انتم كدا عاوزين تخدوا البلد كلها مش كفاية اللي خدتوه
كان المترو وصل المحطة ونزل وهو لسه بيبرطم بالكلام دة
المترو ده اليابان هي اللي جت وعملته وهي اللي حددت عربيات السيدات دي يعنى اليابانيين اللي معظمهم ملهمش ديانه مقدرين خصوصية البنات والسيدات وبيحترموها وإحنا اللي المفروض شعب متدين وأخلاق وشهامة ورجولة و........ و..............و.......... بنبصلها علي انها تفرقة عنصرية وان الستات مستقوية القلب
يالهووووووووووووووووووي
واحد قاعد في العربية بتاعه السيدات وواخد راحته المترو يقف تهجم البنات كلها يتعدل ويبص يمينة وشماله في رعب
- هوانا راكب غلط ولا حاجة
اهز راسي بالموافقة علشان اقصر وبقول في سري راجل محترم والله مش زي الباقين
- هي العربية دي سيدات فقط
اهز راسي بابتسامة ودودة فيقلب وشه في تعبير عن الضيق
- طبعا ربنا يخليلكم سوزان مبارك وحقوق المرأة
مرضيتش علية علشان مش بحب اتكلم في السياسه الصبح ومش عارفة ايه العلاقة بين سوزان مبارك وحقوق المرأة وعربية السيدات واحده من الركاب أطوعت وقالت له انزل المحطة الجاية واخد العربية المشتركة احسن تدفع غرامة أول ما سمع الغرامة قام في استسلام - شكلة كان هايعمل عبيط - ومشي ناحية عربية السيدات التانية هنا بقي كان لازم اتدخل
- حضرتك دي عربية سيدات برضة عربية الرجالة الناحية التانية
بصلي في غضب وقال وهو بيشخط
- لا بقي انتم كدا عاوزين تخدوا البلد كلها مش كفاية اللي خدتوه
كان المترو وصل المحطة ونزل وهو لسه بيبرطم بالكلام دة
المترو ده اليابان هي اللي جت وعملته وهي اللي حددت عربيات السيدات دي يعنى اليابانيين اللي معظمهم ملهمش ديانه مقدرين خصوصية البنات والسيدات وبيحترموها وإحنا اللي المفروض شعب متدين وأخلاق وشهامة ورجولة و........ و..............و.......... بنبصلها علي انها تفرقة عنصرية وان الستات مستقوية القلب
يالهووووووووووووووووووي
|
لاء عرفت من اسلوبها انها مدونة ميرا الامورة
وانا في نص السنة في القاهرة خارجة من محطة المترو ولاقيتلك صريخ ببص لاقيت واحدة في ايديها لامؤاخذة الشوز ونازلة ضرب في واد مايجيش 16 سنة ولولا امن المترو كان مات في ايديها
حقيقي مضايقات مالهاش لازمة ومفيش فايدة فيهم ياعالم عربية سيداااااااااات
ولكن من يسمع
مشكلة
امتي البنت تمشي تحس انها في امان
تحياتي علي مدونتك الجديدة
رائعة برده
زيك
ههههههههههههههههههههه
و الله الراجل معاه حق
فعلا كل حاجه فى البلد دى للسيدات و بس
حتى الوظايف
حتى لما تروحى تشترى اى حاجه
الاولويه للسيدات
دى بئه اللى حاجه تغيظ
لكن بصراحه فى حكايه عربيه سيدات و كده
انا موااااااااااااااااااااااااااااااااااااااااااااااااااااافق بشده
ده انا نفسى يمنعوا السيدات يجوا معانا اصلا فى اى زحمه
يعنى نصف القطر مثلا او اتوبيس رجاله و اتوبيس سيدات و كده
لان فعلا بتتظلموا معانا ديما
بالرغم من كل ده احب اهنى على افتتاح المدونه الجديده
مبرررررررررررررررررررررررررررروك
السلام عليكم ورحمة الله وبركاته
متفق طبعا مع حضرتك :)
وده حقكم .. أتمنى انه ما يبقاش في المترو بس ،،
بسم الله
يا جماعة انا وصلنا لمرحلة ان احنا بنطالب بمساواة الرجل بالمراة ودي حقيقة
يا رجالة مصر ... لكم الله
ههههه
تحياتي
أولاً :ــ ألف مبروك على المدونة الجديدة
وثانياً بقى :ــ أنا بصراحة متفق مع الراجل بتاع المترو في إنكم واخدين كل حاجة .... بس ده ميمنعش إن يكون في خصوصية ليكم
بس ليا سؤال بقى ليه هما ميعملوش عربيات خاصة للرجالة ..... وعربيات خاصة بالحريم .... علشان يفضوا المشكلة دي ....... ولازم يعملوا كده في كل حاجة تاخدوا إنتم نصيبكم وناخد إحنا نصيبنا لإنكم قربتم تستولوا على كل حاجة خلاص ..... حتى حقنا المهدور
ويلا بقى كفاية نكد لحد كده
بس موقف بيحصل وهيحصل كل يوم
والاختلاف في وجهات النظر لا يفسد للود قضية
ههههههههههههه
انا والله مرة كنت هركب عربية السيدات
قمت بعد ماركبت مختش بالى خالص
قمت نازل على طول
بس هو الحقيقة انتم محتلين كل حاجة دلوقتى
مترو وغيره
مبرووووووووووووووك
عالمدونة الجديدة ... المدونة دمها عسل وانا مع الراجل بتاع المترو ... تعرفي أخر التحيزات بتاعت الستات في مصر خط فودافون جديد للستات فقط
هههههههههههههههههههههههههههههههه
والله حقيقة مش اشاعة
مبروك عالمدونة
وسورى عالتقصير