المكان : منزلنا العامر
قاعدة انا علي الكمبيوتر بتاعي ومع نفسي والمزغودة (1) اختى والمزغودة (2) بنت عمتي قاعدين في الأوضة بينموا علي صحباتهم وعلي الممثلين واخر موضه ........من الآخر كلام بنات يعنى مليش فيه
مزغودة 1بصوت عالي : ايه لا طبعا
ياخبر خناقة الحق اخدلي ساتر – طبعا معروف ان خناقات البنات فيها شد شعر وتقطيع هدوم وبونيات والمتهور اللي يفكر يخلص بيقي اكيد انتحاري -
- وومن يا وومن
بتنادي عليا استخبي فين فين – ملحقتش افكر ولقيتهم فوق دماغي تماسكت وعملت نفسي كنت بيجب حاجة من تحت المكتب
- خير يا مزغودة منك ليها
مزغودة 1 : مزغودة 2 قال بتقول قال ان الأجانب بيخدوا في المدارس عربي زي ما احنا بناخد انجليزي
انا وفي حالة صدمة : نعم , هو انتي في سنه كام دلوقتي يا مزغودة 2
- في 3 ثانوي ياوومن
- ماشاء الله يعنى مش في 6 إبتدائي !!!! , شوفي يا مزغودة منك ليها احنا ليه اللغه التانية عندنا هنا هي الإنجليزي ؟
مزغودة 1 : علشان هي اكتر اللغات الحية انتشار علي الكرة الأرضية
الله اكبر ايه الحلاوة دي البت طمرت فيها العشرة وابتدت تشغل مخها الحمد لله الأ مل في ربنا كبير
شوفي يا مزغودة 2 اولا لازم تعرفي مين هما الأجانب اللي بتقولي عليهم دول يعنى هما مش لكشة واحدة كدة ولا شوية ناس اللي هما الناس التانين وخلاص
مزغودة 2 وهي مستغربة : يعني ايه
- يعنى الأجانب دول في منهم الأمريكان وفي منهم دول الأتحاد الأوربي وفي منهم الكتله الشرقية اللي كانت الأتحاد السوفيتي وحاليا روسيا ودول البلقان وفي دول شرق آسيا
- ايه ده يعنى مش احنا بس الشرقيين
- لا لو بصتي علي الخريطة في كتاب الجغرافيا هتلاقي ان في بلاد تانية موقعها الشرق برضة (الصبر يارب)
- لو الأجانب دول امريكان يبقوا مش هايتعلموا عربي لغة تانية هايتعملوا فرنساوى او الماني لأن دول اللغات اللي بعد الإنجليزي نفس الشئ للبريطانين ولو كنا بنتكلم علي فرنسا هايبقوا بياخدوا انجليزي ولو باقي دول الأتحاد الأوربي كل بلد فيهم بتتكلم لغه ونفس الشئ لروسيا ودول البلقان ودول شرق اسيا يعنى برضة اللغه التانية هي الإنجليزي زينا لأنها مش لغتهم الأم
مزغودة 2 : اه . طب هما ليه مبيتعلموش عربي
- ده علي اساس ان في 21 بلد علي الخريطة العربي لغتها الأم وده تقريبا اكبر عدد من الدول بيتكلم لغه واحدة ممكن الأستفتاء اللي اتعمل من مده في امريكا عن اهم اللغات اللي الشعب الأمريكاني يحب يتعلمها واللي كانت نتيجتها انها الصيني لأن الصين هي القوة الأقتصادية القادمة يجاوب علي السؤال ده
ممكن بقي دلوقتي حد يفهمنى ازاي بنت عمرها 16 سنه في سنه 2008 وفي 3 ثانوي عايشة بالتصور الساذج ده سؤال لوزراة التربية والتعليم ؟
يالهووووووووووووووووووووووي
وزارة التربية والتعليم
يابنتي مازي ما انتي قلتي
جيل الموضة والنمييييييييمة
والتعليم التليقيني اللي بيتنسي اول ماتسلمي ورقة الامتحان
تحياتي
وسلام مربع للمزاغيد
وان و توووووو
مبارك على المدونه الجديده
عقبال المدونه الالف ان شاء الله
وطبعا يا وومن :D
ana ba2a bakalem 2araby meshakel
هههههههههههه
تحياتى
ومعذره على التاخير
هخهخعههههههههههههههههه...
والله عال ....
حجات تغيظ فعلا ...اناأول مرة ..آجي هنا ......بس فكرة المدونة حلوة ..
قال وزارة قال ....
تحياتي لكي....
ودمتم في خير الوزارة ...
بنتنا العزيزة
السلام عليكم ورحمة الله وبركاته
بدأ تدمير منظومة التعليم فى مصر منذ الخمسينات مع انهاء دور الازهر وبداية المدارس الاهلية ومازالت السلسلة مستمرة وللاسف تدهورت الامور واقسم لك اننى من خلال عملى كعضو لجنة التعيينات بشركة اقابل شبابا حاصلين على مؤهلات عليا لايعرفون كيف يكتبون اسم المؤهل الحاصلين عليه بشكل سليم ولا ابالغ اذا قلت انهم يكتبون عناوينهم بشكل صحيح
وسلمى لى على معاهدة السلام
ولك تحياتى
طارق الجيزاوى
يابنتى هو ده جيل المستقبل اللى هينفذ الفكر الجديد بكل حذافيره
ومتنسيش تسلميلى على المزاغيد
وتقليلهم صباح الخير بالليل
هههههههههههه
لالا جامد جو الحرب دة
اولا يا جماعة موضوع اللغة دة بيتهيالي اننا اتكلمنا فيه كتير في الاجتماع بتاع مدونين الدلتا
الناس دي علي فكرة مش محتاجين اصلا يدرسوا اللغة بتاعتنا لانها مش هيستفادوا من وراها حاجة
وثانيا لو حد حب يعرف عنها حاجة هيكون من باب العلم بالشيئ بس
اما حكاية البنوتة الي عندها 16 سنة
ههههههههههه
مش هيا لوحدها الي متصورة التصور دة معظم بنات الثانوي متصورين كدة
ووزارة التربية والتعليم مش فاضية مشغولة بتوفير التعليم المجاني
وبتلطم من غلاء الاسعار
ايقون بيشد في شعره
موضوع كويس يا بطوط
عبدالرحمن
الصيدلي المطحون
فعلا حاجات تغيظ وتضحك كمان
اصل اللي يفكر في اللي الناس بيعملوه يضحك كتير
انا دايما كده ابقي قاعد في العربيه ما باتكلمتش زي بقيه الناس اتفرج واضحك
لان بصراحه الشعب المصري يضحك
دي اول مره اخش هنا بس المدونه بصراحه عجبتني
ههههههههههههههههه
اولا انا عجبنى اوى لفظ مزغوده دى
ثانيا
اخبارك ايه يا بنوته ؟
اما عن وزارة التربيه و التعليم فدى مصر يا عبله
السلام عليكم
معلهش اتحملينى بقى
ده مش سؤال لوزارة التربية والتعليم
إنما هو سؤال للسيد المبجل اللى كل حاجه فى زمنه فقدت معناها والتعليم من ضمن الحاجات وتصورى أن طالب بكلية ما عندما يسأل. أين تقع تونس ؟ فيرد ويجيب . تقع تونس فى شمال شرق أسيا .
كيف تخطى السنوات الطوال من التعلم والإمتحان كيف لم يفتح كتاب الجغارفيا ووصل إلى الكلية .
ليس ببعيد على مصرى أن يكون هكذا
فنحن أول من أخترعنا الأشياء
وأول من فهمها بالفكاكة .
وسيبك من كل ده ولما نلاقى الإهمال وصل لحد وزارة الصحة والمستشفيات وكثير من الأطباء جهال ... فكيف نأتمن ونأمن فى بلدنا هذه .
لا أن للسادة الأمريكان دور فى إنحطاط مستوانا التعليمى والوظيفى والثقافى لا شك أن لهم دور فى تخريب البلدان .
أما الإعمار فيكون بأيدى أبناء الأوطان .
الراعى
ايه ده؟؟
هم الاجانب .. مابيدرسوش بالاجنبي؟؟؟
سلامووووووووووز