كل سنة وانتم طيبين . كل سنة وانتم مدونين
طبعا الجو الرمضاني دة مش مساعد علي الإصتباحة خالص الواحد بيعملها في السحور مش عارفة كدة بقي اتقلبت تمسية ولا ايه ؟ هابقي أسأل في الموضوع ده
المهم بقي ان في الجو الرمضاني الجميل دة وفي أحد الليالي اللي مكنتش عاملة حسابها النت فصل وأعلن عصيانة قولت زي بعضة اروح اتهطل شوية واتفرج علي التليفزيون واهو بالمرة اخد فكرة علي المسلسلات اللي بيعذبوا بيها المشاهدين واهو كل شيل ذنوب ودة شهر مغفرة وكدة
بقلب كدة في القنوات لقيت ملسلس بطولة ممدوح عبد العليم – مع ملاحظة اني مش متابعه الملسلس – حصل ايه بقي في الحلقة اليتمية اللي اتفرجت عليها .
علي حسب ما فهمت ان ممدوح ( أسمة كدة برضة في العمل اللي ملوش علاقة بالدراما خالص ) رجل اعمال وقلبة حنين وعطوف قوي عطف علي البت البياعة السريحة وادالها عشراية كبيرة ( 100 جنية يعني ) وباقي الآكل الفايف استار علشان ابوها العيان ولما البلطجي اللي مسرحها حب يقلبها – خدوا بالكم معايا- وقف البودي جارد بتوعة يتفرجوا وضرب هو البلطجي وجون وجون وجون .
طبعا اخدله دعوتين حلوين من البت السريحة من عينة إلهي يسترك مايفضحك , إلهي يعمر بيتك والحركات دي المهم بقي علشان كمالة الشهامة بعت جاب ابوها العيان وعشاهم في القصر بتاعة وادلها بتاع بكوين كدة لزوم علاج الراجل ابوها.
نفهم من ده أيه بقي ان دوحة رجل الأعمال الشهير الفظيع شهم وكريم وقلبة حونين علي الغلابة ماشي هانعديها
بعد شوية بقي الباشا في مكتبة مع دراعة اليمين وبيناقشوا افتتاح الخط الملاحي- يعني مراكب وعبارات وكدة - وبلغة الأمر دليل الشخصية والنفوذ الكاراكتر المعتاد بتاع اي رجل اعمال : لازم الخط دة يشتغل في اسرع وقت ويمسك موبايله – اللي هو موديل سنتين فاتو – ويتصل بأحد خصومة وهاتك يا تهديد ووعيد .
نفهم من دة اية ان عمو الشهم له اعداء كتير كتير وركزوا معايا الجاي مهم
يتضح بقي ايه ان واحدة من أعداء عمو الشهم اكتشفت ان عنده مخالفات فزيعة فزيعة – مركزين معايا –
هنا بقي ربنا رحمني برحمتة وخلصت الحلقة وانا بقول يا حلو بانت لبتك يعني السنة اللي فاتت تطلع علينا بمسلسل بطلة ظابط شرطة بيخرج في قضية تعذيب ويدور علي براءتة لحد ما يثبتها والسنة دي رجل اعمال عنده خط ملاحي وعبارات وفي ذات نفس الوقت طيب وكريم وشهم وميعرفش حاجة عن المخالفات الفزيعة دي ولو اتفرجت علي أخر حلقة هالاقية برضة اثبت براءتة
طب حضرة المؤلف والمخرج والممثلين عاوزينا نفهم من كدة ايه ان كل كارثة بيعملها رجل اعمال مثلا مش مسئوليتة لأنة شوال فلوس وبس ومش مسئول عن الناس الوحشة اللي مش عندها ضمير اللي بيشتغلوا معاه – الكلام ده سمعته فين قبل كدة فين أفتكروا معايا كدة
يالهوووووووووووووووووووووووووووووووووووووي
اول تعليق ...هاعديها ومش هاشكر فى نفسى
لئه انتى مش سمعتى الكلام ده بس لو سمعتيه هيبقا سمعتيه فى نفس عينه القنوات دى
دريم واخواتها او القناه الاولى والتانيه الخ الى التاسعه
وطبعا انتى مش قصدك انك تقولى على رجال الاعمال حاجه مش شايفه اعلانات
حديد عز مجانا للشباب
ده عامل احلى شغل بجد اعلاناته جمييييله
ربنا يحميه لمامته (مش ماما سوزان ولا ماما مصر لئه مامته بالنسب )
:d
اه معلش نسيت
:d
انا اما النت يفصل بالليل
حاجه من اتنين ياما استعان بال mbc 2.4.واكشن
او قرايه كتب من على النت
ومعذره على الاطاله
اقصد من على الكمبيوتر (اقصد محملها من على النت )
معذرتين على الاطاله
فى البداية اسلوب كتابى رائع
لكنى افهم مما قراته انكى تعتقدين ان رجال ااعمال هؤلاء وحوش وظلمه وبالرغم من كده الاعلام بيطلعهم ناس بريئه فى الاخر .
لا اعتقد ذلك لكنى اقول ان المؤلف يظهر النماذج الحسنة فى المجتمع وليس بالضرورة كون كل رجل اعمال ظالم او حتى كيس فلوس وبس
لكن هناك الكثير من رجال الاعمال والمعروف عنهم التقى والصلاح رغم كونهم فى هذا الوسط التجارى
وفقكى الله
كل المسلسلات يا ميرا مش ده بس يا حبيبى
يعنى الدالى اللى جامد وبحبه طوله فى حته غبيه هو يعنى مفيش بصمه للتاني حاجه كده ملخبطه ونيله
امال هيعملوا تلاتين حلقه ازاي
ياستى وانتى مين قالك تابعى المسلسل
وتفكرينا بالعبارات ورجال الاعمال
بس حلو قوى ان الحلق اليتمة طلعتى منها بكل ده
انا الحمد لله مخاصم التليفزيزن والفضائيات والعلاقة بينا مقطوعة بمقص كمان
يا لهوى منك ومن مسلسلاتك
تعيشى وتتفرجى يا ستى
تحياتى
مسلسلات مصرية :)
انا الحمد لله حصرتى متابعتى مبكرا بمسلسلين يتم اولهم هيما علشان خاطر بلال فضل والتانى قلب ميت علشان خاطر شريف منير باقى مباقي مش طالبة عته
بس من ده كلة ااقدر اقولك
ربنا ما يثطع ليكى نت علشان ما تتحطيش في الموقف ده تانى وتشوفي مسلسلات مصرية
اتفرجى على مسلسل قلب ميت
ولا ااقلك خليها هيما
يوووووووه الدالى
يادى النيله فى ايد امينه
كلها مسلسلات رجال اعمال
جتنا نيله ف حظنا الهباب
الواحد مش طلع ممثل ليه
احمد
ما هى افكار غلط عايزين يحشوا دماغنا بيها
و الناس بتتفرج و تصفق
اوووووووووووووووووف
:S:S:S:S:S
بجد حاجه تخنق المسلسلات دى
!!!!!!!!!!!!!
انت لسا بتتفرجي على المسلسلات اللي بتيجي في رمضان؟؟؟
يابنتي مفيش اصلا دراما مثرية الموضوع ده فشل وانقرض من زمااااااااااااااان
لو النت فصل تاني الله معك بقى بجد يعني
تحياتي
ميرا
والله انا اكتر واحد محروق دمى من المسلسلات
بس ممكن تتفرجى على مسلسل محمد صفاء عامر وعدى النهار جميل قوى
وكمان مسلسل ناصر للكبير يسرى الجندى
ومش عارف المسلسل بتاع وحيد حامد اسمه ايه
المهم
فى مسلسل بنت من الزمن ده لداليا البحيرى بطله مش كاتبه وده العمل التانى ليها مع نفس الؤلف اللى نسيت اسمه بس كان عمل مسلسل صرخة أنثى قبل كدة
سلامووووووووووووووز
حلوة أوي دلع الملسلس ده
عادي إنه الإعلام الموجه
وكل شخص منهم زي يسرا وإلهام اللهم إني صايم عنده عقد كافية إنه كل مسلسلاته لازم يخرج فيها مثالي ومش بيغلط وبعيد عن الواقع تماماً !!
ال حمد لله أخر مرة شفت تلفزيون فيها كان يوم ماتش الأهلي والزمالك
مليش في عك الإعلام الموجه ده
يلا بالشفا :)
والسلام ختام
نعم يا ست ومن ؟
مالك ؟
مالك و مال الدراما المهببه بتاعنا ؟
دى مش دراما للتسليه
دى ع شان تجيب الضغط
انتى شوفتى المسلسل دى انا بقى مش بعرف اشوف غير سى الدالى كل ما افتح قناه الاقيه شغال
شغالين بمبدا هتتفرج عليه هتتفرج
يالهووووووووووووى
زهقت و برضو مش بتفرج
بينى و بينك مش بيعجبنى فيه غير الاغنيه
المهم قولت اشوف مره كده
لاقيت قال ايه مافيا و كلام كبير و كده
قولت اتطورنا اهوه خير اللهم اجعله خير
المهم بعدها ب 10 تيام كده لاقيت مسلسل تانى برضو مافيا و جرى و ضرب قولت هو ده الدالى قالوالى دى تيسير فهمى المافيا بتجرى وراها قولت هو فى ايه ؟
هما اما واحد بيمسك فى حاجه الكل بيتعدى المهم قولت اتفرج و اهو كله بثوابه
خلصت ياختى الحلقه حسيت انى بنهج من كتر الجرى اللى فى المسلسل
اما باقى المسلسلات و لا اعرف عنها حاجه
خلينا فى الجزيره مفيش احلى من اخبار الكوارث و القتل
ما شكلى هشتغل صبى حانوتى من كتر القتل اللى فى العالم
سوووووووووووووووووووووووورى يا وومن مش كنت فاضى الفتره اللى فاتت و الله
ميرا
رحتى فين
ولا هنا ولا هناك
شغلتينا عليكى
كل سن وانتى طيبة
متنسيش عيد ميلادى
كل سنه وانتى طيبه
اللهم يا سامع النداء
ومجيب الدعاء
امنح قارئها راحة البال والخاطر
ونجه من المخاطر
وكن له ساتر
وبلغة الفطر مجبور الخاطر
عيد سعيد عليكم
وكل سنة وانتوا طيبيين
مستنى تهنائتكم بعيد ميلادى على المدونة
اول ايام عيد الفطر
سلامو عليكو.... هو صاحب الخط الملاحى كان اسمه ممدوح بردو؟؟؟؟ يا سبحان الله... يعنى ممدوح وعبارات ومخالفات و اعداء وفى الاخر يقولك ضرورة درامية اممممممممم بيوستهىء لى سمعت التفاصيل دى قبل كدة وعلى رايك يا لهوييييييييي
شارك في الحملة الشعبية للقيد بالحداول الانتخابية وادعو غيرك
ضع بنر الحملة علي مدونتك
البنر موجود علي مدونتي