تعليق غريب جداً وصلي من حد اسمه Pink علي موضوع الحجاب وتعليقة كالآتي :-
تدافعين عن الحجاب و تضعين صورة مدونتك لفتاة غير محجبة ؟؟؟؟؟؟؟
ورداً علي الأخ أو الأخت pink اللي الواضح منه انه بيحاول يقولي اني متناقضة !!!!!
اولاً : دي مش صورة لو كبرتها هاتلاقيها صورة بورترية بالزيت والبنت فيها لابسة ملابس النوم مش منطقي ابداً اني اقول ان في واحدة بتصحي من النوم محجبة – دة بيحصل في المسلسلات العربي بس -
ثانياً : اللوحة لرسام إيراني ويعد حاليا واحد من اشهر الرسامين في العالم
ثالثا: البنت اللي في الصورة محتشمة جداً ومش باين غير شعرها
رابعاً بقي ودة الأهم اني لما هدافع عن حجابي او عن الحجاب عموماً مش معناه إني ههاجم غير المحجبات وأقول انهم وحشين.
لأن لو حضرتك - سواء كنت ولد ولا بنت – متابع لقضية الحجاب هتجد ان هناك مدافعين عنه من غير المسلمين اساساً علي اعتبار ان اختيار الملبس حق من حقوق الإنسان ويندرج تحت بند حريتة الشخصية بعيداً عن الجدل الديني من وجهه نظرهم.
وبمناسبة الحرية الشخصية انا ليا مطلق الحرية في اختيار صورة مدونتي طالما انها لا تجرح شعورك او حياءك.
علي الهامش
انا رديت علي التعليق في بوست لآني شوفته متاخر جدا ومش فاهمة في بعديه بوستين اشمعني ده اللي بيتعلق علية بالجملة دي مفيش حاجة في المدونة كلها لفتت نظرك غير الصورة ؟!!!!!!!!!!!!!!!!
الاشتراك في:
تعليقات الرسالة (Atom)
انا كتبت تعليق وبعدين رجعت قريت البوست علشان ما اظامش الاخ بس بعديها اختصر الكلام يا ميرا فى قول المولى تعالى
( وعباد الرحمن الذين يمشون على الارض هونا واذا خاطبهم الجاهلون قالوا سلاما )
فكبرى دماغك اصلا لا انى اتحده ان كان قرى البوست كل ما فى الامر هو شاف كلمة حجاب ودى بتجيب ارتكارية للبعض بداعى المدنية وشاف الصورة كتب السطر بتاعة وخرج
لا حول ولا قوة الا بالله
ليه كده ياميرا
ممكن تلبسى الصورة حجاب المرة الجاااااية
تعرفى انا زعلت منك
لانك تعتبتى نفسك وضيعتى وقتك فى الرد على التعليق مش محتاج كل ده
الحجاب زى اسلامى ليه احترامه
بس اعداءه كتير
وعلشان كده خير الرد على ....... السكوت
تحياتى
موضوع الحجاب مهم جدا بس احنا الدين الاسلامى بتاعنا دين يسر مش عسر
وكمان مش تردى على تعليق طالما انتى مقتنعه بكلامك وببوستاتك
لا لجلد الطبيب المصرى بالسعوديه 1500جلده
ازيك يا ميرا
عادي بصي ولا تدايقي نفسك
لكل واحد وجهه نظره يا ستي
في ناس بتشوف الحياة من زاوية واحدة بس
هههههههههههههه
والله ضحتني هالسالفه
فعلا ما لقى شي بالمدونه كلها
يلفت نظره غير هالصوره؟
رئيس جمهورية نفسي
مهو حتي ولو يا محمود زي ما انت بتقول مش هادي حد فرصه يشاور عليا ويقول بس المتناقضة دي بتعمل ايه
الحمد لله انا متصالحه جداً مع نفسي وعارفة كويس بعمل ايه
همس الأحباب
لا يا خالد مقدرش علي زعلك المرة الجاية هاسكت فعلا
لآن السكوت افضل من الرد في حالات كتير
تحياتي يا ابو همس
romancy
اولا نورتني هنا كمان
ثانيا حق الرد مكفول ليا لكل من تسول له نفسه بمهاجمتي
تحياتي
mohmed
هنا بقي بجد لا تعليق !!!!
***********************************
عبد الرحمن
ازيك انت يا بيدو
والله انا مش زعلانه وازعل نفسي ليه كل واحد من حقة يقول اللي هو عاوزة
اقصوصه
اهلا يا قمر منورة
اضحكي يا ستي محدش واخد منها حاجة
تحياتي
بصراحه انا مقريتش الموضوع بتاع الحجاب وتعليق الاخ بس انا عجبنى تعليقك على الموضوع وردك على سيادته