بالرغم من ان المصري الأصيل هو صاحب المثل اللي بيقول " إدي العيش لخبازه ولو أكل نصه " إلا انه هو هو نفس المصري اللي بفهولته بيقول لنفسه " وياكل نصه ليه هو يعني هايعمل ايه مش هاعرف انا اعملة " وده بيخليني دايما اهرش في راسي واقول لنفسي الناس دي اللي هما احنا بيعملوا كده ليه ؟ وعلشان تفهموا قصدي ركزوا معايا
اول امبارح كنت قررت اشتري بريتنر علشان اترحم من اللف علي السيبرات وبعد التجول في النت لفتره والبحث والتمحيص واستشاره الإصدقاء قالولي
- ما إلك الا المول
المهم اتوكلت علي الله وروحت المول الي في شارع العريش في الهرم وطبعا لآني بحامي للطبقة العاملة من الشعب بستعمل وسائل تنقلهم اللي هي الميكروباز ......إحم احم
المهم اشتريت البرينتر ورحت لفحاها علي ايدي وروحت ادور علي ركوبة اروح بيها وانا بركب بقي خلوا بالكو كان في واحد صيني لا يتحدث العربية بيركب وعند سؤاله رايح فين قال بعربية ركيكة – يعني مش قد كده – آون طبعا مفيش في شارع الهرم اي مكان اسمه آون بس هو ركب وبعده اكتشفت ان كان في بنت في الكرسي اللي قدام بتتكلم صيني وهانك يا رغي مع الأخ ده بالصيني وكل شوية تشاور بما معناه علي طول – طب شمال – وقف هنا
وفهمت السواق ان الصيني عارف المكان وهايقول ( ألا جنب ) لما يجي ينزل
- لحد كدة مفيش مشكلة وحاجة تفرح بس كان في ملحوظه مهمة ان الولد الصيني دفع ( امسين ) يعني خمسين قرش والأجرة جنية ودة معناه انه نازل قريب.
- مركزين معايا المهم فضلت حصة الصيني شغاله لحد ما البنت نزلت واحنا قربنا نوصل وعم الصيني مش لاقي ( الأون ) اللي هو بيقول عليها
- وهنا بقي كان لازم اتدخل لآنه كان ابتدي يعمل قلق للركاب والسواق فسألته بالعنجليزي
- انت بتتكلم عنجليزي ؟
- اه
- طب انت عاوز تروح فين
- أون
- مفيش مكان اسمه اون هنا ممكن توصفه
- في جنبية مطعم
- طيب ده معناه انك عديت علية من هنا لآخر الطريق مفيش مطاعم ( ارتبك جداً وغالبا كان بيفكر يرمي نفسه من الميكروباز )
- اهدي بس هو المطعم اسمه ايه
- تكا
- تكا !!!! انت عاوز تروح التعاااااااااون
طبعا كل الركاب أول ما سمعوا تكا فهموا هو عاوز يروح فين فاتفقنا مع السواق انه ياخده وهو راجع وينزله عند تكا وهنا كنا وصلنا للمحطة وانا فهمت الصيني انه هايرجع مع السواق
الحاجة اللي تغيظ بجد ان البنت طول الطريق بتستعرض علينا بالصيني مع انه بيتكلم انجليزي
ثانياً بقي توهت الولد وضيعت وقت طويل علشان يرجع وبرغم من الحديث الصيني اللي استمر اكتر من 20 دقيقة ولا مره فكرت تسأله عن علامة الطريق مع انه معروف ان كل محطات شارع الهرم الرئيسية متعلمه بمطعم او بنزينة او محل ملابس او مول مشهور !!!!!!
نستفيد من الموقف ده ايه ؟
انك متسألش مصري ابدا عن عنوان حتي لو كان بيتكلم صيني
يالههههههههههههههههههههههههههوي
السؤال اللى بيطرح نفسة بغباء شديد البنت لما توهت الراجل كانت بترغي فى اية
مبروك البرنتر
رئيس جمهورية نفسي
مه ده اللي كان نفسي اعرفه , الله يبارك فيك يا حوده
سؤال علي جنب
هو انت قاعد علي باب البلوج ؟
نورتني يا محمود مبروك اول تعليق للمرة التانية
نتعلم من كده،
إنه البنت كل اللي هاممها إنكم، يا ركاب المكروباص، تعرفوا إنها بتعرف صيني. وده طبها مش أكيد. لأنه ممكن الحوار الطويل ده كله، وهو بيقولها إن اللي بتقوله ده ياباني مش صيني.
المهم مبروك البرنتر
تحياتي
الحمد لله انك لحقتي الراجل ياقمر
وحشاني كتير
مبروووووك البرنتر
هو انا مجنون ااقعد على باب البلوج فى البرد دة كل ما فى الامر انى انا عندى ريدر يلا بقاء اتبرعي ولو بجنية
السلام عليكم يا ميرا
والله معروفه من زمان ان المصري دايما عامل فهلوي وبيفهم في كل حاجه دا حتي تسأليه تعرف فولان يقول اه اعرفه وهو اصلا ميعرفوش مش عارف الشعب المصري دا ليه بيعمل ناصح وعلي رايك حاجه تغيظ
بص خبيبى لو انتى غاويه ترى روايه خسى الرابط دى
http://nisr-elsharq.blogspot.com/search?updated-max=2008-09-25T13%3A41%3A00-07%3A00&max-results=7
لو انتى غاويه سياسه خسى دى
http://nisr-elsharq.blogspot.com/
انا اسف اضطريت اكلم صينى علشان تيجى المدونه علشان لو كنت مصرى مكنتش هتيجى
طبعا طبعا
الرد على سؤالك المصريين اهم
احب اقول ان الموضوع ده مشابه لموضوع ليا سابق بعنوان اللى يسال يتوه على مااافتكر يعنى
وطبعا دى تكمله البوستات المتشابهه
:d
عشان تعرفى بس
المصرين دول
مفهمتش ايوتها حاجه
بس بضحك بغباء
لا بجد ...عجبنى ابوست ..خرجنى شويه من مود الكآبه
مبروك البرنتر وعقبالي بقه
سلام
حسااااام
حلوة على ماافتكر دي
مش فاكر البوست بتاعك
واحسرتاااااه
هم دول المصرين
ازيك يازعيم
حسن مدني
غالبا ده فعلا صحيح ساعات كدة كانت مش بتعرف ترد عليه وتقول بالعربي مش فاهماك
تحياتي
بنت الإسلام
ياقمر الراجل شكلة كان مدي معاد لحد وكل شوية يكلمة في الموبايل وشارع الهرم ده رحلة يعني المشوار اللي بياخد اقل من 10 دقايق اكدة هو في ساعة الا ربع مثلا
وحشااااااااااااني موت موت موت
رئيس جمهورية نفسي
يعني انت لو قعدت علي باب المدونة مش هانعرف نعمل معاك واجب ونجيب الشاي والذي منه
الريدر الإختراع ده عندي بس بيجيبلي البوست بعدها بيومين ويقولي ده نزل من ساعه
اقول ايه واسطة بقي
نورت ياريس
sherif
مهو انا نفسي اعرف برضة ليه ؟؟؟ عاكل فيها فهلوي هي معرفش دي حرااام
نورتني
حسام يحي
وماله لما يبقي عندنا توراد خواطر مش اخوات ولا ايه
وعموما ساعتها انا قولتلك اتصل بيا وانت اللي قولت هاعتمد علي نفسي
ولا نسيت
نسر الشرق
شكرا علي الزياره وحصة الصيني
Gilan
طب كويس انك ضحكتي ابقي افهمي براحتك
انت فين يا بت ابقي اسئلي
ومن هذا الموقف .... نستطيع الجزم بان ميرا تتحدث الانزليجية ....
فهنيئا لها :))
amr .....
ماشي يا عمرو اه بتكلم عنجليزي وده مكنش إعلان ولا حاجة
كلمة علي جنب
معرفليش وظيفة كويسه
نورتني
:(((( . . . انا بهرج يا ميرا .
عايزة تشتغلي اية ؟
عندنا في اسكندرية لو سالتي عن عنوان يودوكي لحد عنده
خصوصا لو كانت بنت حلوة
ههههههههههههههههههههه
عموما عادي يعني الناس بس بتتكسف تقول مش عارفين
بجد لوووووووووووووووووووول ايه يا جدعان خفة الدم ديه
حلو الواحد عرف لما يكون متنكد يجى فين
يا مصريين يا عسل
ومبروك على البرنتر