خلاص الواحد بقي يقعد يتفرج علي البرامج الحوارية وهو جنبية كوباية ميه وبورشام الضغط وجهاز قياس السكر وحتي لو الواحد حاول لا يشوف ولا يسمع ولا يقرا يلاقي واحد ابن حلال معاه في الشغل ولا مدونه صديقة تبقيك دائماً علي إطلاع
فقولت بقي مبدهاش اعرف من نفسي احسن اقوم الاقي ايه بقي برنامج 90 دقيقة بيتابع أزمة البحاريين المصريين المخطوفين علي السواحل الصوماليه وكانت قريبة بحار منهم بتقول أن الحكومة المصرية وعدتهم بحل الأزمة في ساعات وصاحب السفينة عرض دفع الفدية إية اللي مأخرهم 10 ايام والناس بتموت هناك وفي منهم مرضي والأكل خلص والميه علي وشك .
تيجي بقي المذيعة وتقول ان في حد من وزاره الخارجية هايرد وميرسي ليه علي سرعه إستجابتة وياريتة مفتح بقة اصلا
قال ايه مالك السفينة بعد ما دفع الفلوس حمرق واتشرط ومش عارفه ايه ومش هو ده كان إتفقنا الحكومة المصرية تتفاوض بس مش بتدفع فدية
رد مالك السفينة وقال انه فعلا دفع نص المبلغ والنص التاني سفينة تانية عرضها للرهن أو البيع وبناء علية استلمت الجهه اللي بتخلص الموضوع الفلوس كلها
يعيد بقي مندوب الخارجية ويقول وزارة المالية لا تقوم بدفع فدية للمخطوفين
يعني نفهم من الكلام دة أن لو صاحب السفينة وأهالي المخطوفين مش معاهم المبلغ كانوا اترموا ولا حد سأل والأنقح أن الفلوس موجودة والحكومة بتماطل
هي دي أخرة انك تكون مصري محدش بعد كدة بنتظر أننا تكون لينا قيمة في أي بلد حتي لو كانت واق الواق
لو لم أكن مصرياً لوددت أن أكون فيتنامياً :) أو حتي فنزويلياً
كنت كتبتها نيك نيم مرة في الماسنجر
ولسه مصمم عليها..كرامة سياسية..أي دولة شررم بررم أحسن مننا ..فمش تتابعي أحسن..وكويس إني مش بشوف تلفزيون وقرايتي للجرايد تقتصر علي بريد الجمعة ومقالات فلسفية بس ملهاش علاقة بالهم والغم وسلامتك من الضغط :)
سلامتك من البرامج الحوارية
طبعا لو واحد مش معاه، ولا حد حيسأل عنه. ولو معاه برضه مافيش حد حيسأل عنه.
ده الفرق بين المواطن المصري، والمواطن الإيطالي أو البريطاني مثلا.
البريطاني، لو مقطوع في بلد بيبعتوا له الأدوية الضرورية بتاعته على حساب دافع الضرائب.
المصري يختلف كليا، وده لأن مصر أم الدنيا
تحياتي
لو سألتك إنت مصري تقولي إيه ؟؟
تقوللي مصري ابن مصري
وابن مصر
ربنا يتولاه برحمته
.......
فعلا لو قدرتي تتحاشي متابعة الأحداث فأولاد الحلال كتير
:)
م الحق يا ميرا
هي ليه كل الكاونترات صفّرت ورجعت تعد من الأول تاني ؟؟
:(
لو عرفتي ابقي عرفيني
ليييييييييييييييييييييه بتبصي للتليفزيون
احترس التليفزيون المصري يسبب ضغط الدوم والسكر ولا قدر الله قد يسب الوفاة
فعلا هى دى أخرتها
ربنا يتولانا برحمته و يرحمنا من اللى أحنا فيه ده
Diyaa'
مه يا ضياء مش بكيف الواحد لو مش قرا بيسمع فتيجي منه احسن
منور
***********************************
ا/ حسن مدني
الله يسلمك يا أستاذنا بس بجد مش قادرة اتخيل اللي حصل فعلا لو أي مواطن في اي بلد تانية كانت الدنيا قامت ومقعدتش
ام الدنيا اتبرت من ولادها خلاص
Lyssandra
بحاول والله بس في حاجات بتطغي علينا وكمان ده مش حل لو كلنا طنشنا يبقي علي الدنيا السلام
***********************************
Lyssandra
انا عرفت وقولتلك مش كدة :)؛)
كيــــــــــــارا
مجبر أخاك لا بطل يا مولا D:
***********************************
رئيس جمهوريه نفسى
احتمال يسبب الهري بري قريب ويتحظر ونرتاح بقي نور يا ريس
انا ودماغي
اللهم آمين ولسه ياما هانشوف
تحياتي
معاليكي هي دي اخرتها و اذا كان عاجبكوا ... احنا مش فاضيين للكلام الفارغ بتاعكوا دة .... مصيبة لتكونوا صدقتوا انكوا ليكوا أهمية ولا لزمة .... لأ فوقوا كدة و اصحوا يا جدعان ...
(( ماهو الكلام دة اذا مكانشي الراجل قالة في الفاصل يبقى على الاقل قالة بينة و بين نفسة ))
-----------------------------
مع اني محرج منك ... بس عايز أقوللك مشتكرييين على سؤالك و سامحيني على تقصيري :) .. انتي أكرم مني
عش مصرى تموت مفقوع
عزيزتى
البرامج الحواريه ساعات بتقهر
بس
وايه الغريب فى كده
ما المصرى دمه بيغلا فى عيون الحكومه
لما بس بتكون السياسه عاوزاه غالى
اما بقه فى العادى فيا ريت الشعب يخف وميبقاش فى البلد الا الحزب بحكومته
وعمله ايه فى مالك العباره اللى قتل اكتر ما قتلته العمليات الارهابيه
بفساده وفساد من ساعده
تحياتى
سلام
احنا فى وقت
الحكومة فية منفضضة للشعب
ومهتمة بس بالمال ورجال الاعمال
ربنا معانا
تحياتى
امممممممممم
لا تعلييق
كان الله في العون !
مثل صيني أوقد شمعة بدلا من أن تلعن الظلام
اه
لو طبقنا المثل مش حنلاقي وقت نتفرج على أي حاجة تغيظ
لأننا ساعتها كلنا من زهقنا وتعبنا حنروح نولع شمعه
والشمعة تبقى ألف
والأف يبقى مليون
ومش حنهتف ولا نعتصم
ولا نتفرج على حاجات تغيظ
لكن من الممكن نفهم ظروفنا بالعقل
ومش حنتكيف معاها زي الحزب الوطني ما هرى قلب اللي جابونا بالكلام السخيف ده
لكن
نتغير إحنا ونصحح وضعنا
وننجح بجد
ومن غير ضرر للغير ولا ضرر لنفسي
ساعتها حنساعد بعض على النجاح
ومن هنا
نوصل لأقرب بر
يمكن مش هو بر الأمان لكن نعدي من الغرق
كويس
ساعتها فكروا في الطريق الصح
والله العظيم البلد دي خسارة فينا
بنجيبلها الشتيمة مع إن العيب مش فيها
آه
العيب علينا وفينا ولا دي غلطة مين ؟؟
أشجع مافينا جبان وكلنا صايعين
إحم إحم
إيه ده ؟؟
إحنا هنغني ولا إيه ؟؟
سلام بقى قبل ما أتسلطن
مع تحيات
إحســـان نهاوند
هههههههههه
داخل اقول لو لم اكن مصريا لوددت ان اكون هنديا لاقيت حد قايل حاجه زيها
المهم
بصى يا ستى
احنا حكومتنا مش بهتم بينا مطلقا الا لو اضرناها و تسببنا لها فى اى ضرر
و مهم بتهم غير بالاغنياء و بس
عموما تعيشى و تاخدى غيرها
مقلب حلو مش كده؟