التاج ده مش عارفة أسمة بس هاسميه اعترافات مدون جالي من منوشة صاحبة مدونة مخنوقة ومع اني مش بجاوب علي تاجات وببدلها بتوك وبنس شعر زي ما انتم عارفين بس مرضيتش اكسفها وهدية مقبولة يا منوش المرة الجاية هابدل ماشي
اسمك....؟
أمممممممممم بتاع المدونة ولا بتاع الحكومة ;)
مشيها ميرا
المشهور بيه وسط اصحابك ؟
لا بقي أنا اصلا اخويا من أكتر الأسامي بتاعتي بيفكر يبلغ عني نصب وإحتيال مش هاقدر أدي أمثله كده هاذكر أسماء آليت علي نفسي ( جامدة آليت دي ) أني مذكرهاش
سنك...؟
عادي خالص انا صحيح وومن بس ولا تفرق معايا حركات وكلاء النيابة دي تمنتاشــ ... عشييــ ... هو من الأخر داخله علي سبعه وعشرين بس هالف وارجع تاني :P
مجال دراستك ؟
إدارة الأعمال يا أفندم وده كان إختياري من وانا في إعدادي غالباً عندي مبادئ إستبداد والله أعلم
اسم مدونتك ..؟
حاجات تغيظ يا بيه – ده تاج ده ولا محضر شرطة – ايوة كل ما بتغاظ با جي افضفض هنا
الصوره الرمزيه لمدونتك بتعبر عن ايه ...؟
الصورة المزرية !!! أأقصد الرمزية يا باشا بتبعبر عن اسمي اللي بمضي بيه اللي هو وومن واخترتها بنوته جميلة بهدوم النوم بتبص من شباك وعجبتني لأنها بسيطة قوي أحم أحم أنثوية قوي
هل فكرت في اغلاق المدونه ؟ والسبب ..؟
انبوسيييييييييييبل – ايوة هي دي بتاعه توم كروز – اما اجيب ضرف دي اومال افضض فين ؟؟ هه ؟ أمشي بقي أكلم نفسي زي المجانين
ايه رد فعلك لو حد قل ادبه عليك في تعليق ...؟
طيب قصدك قلة أدب قلة أدب هايبقي هوه اللي جابه لنفسه صحيح انا هنا بهنزر وبضحك وقالباها مرجيح انما أي حد تسوول له نفسة بالإستظراف أو الإستخفاف أو قلة الأدب هايشوف ردود غير متوقعه وبالأدب برضة
اسوء مدونه...؟
مدونة صاحبها كان معلق عند زميل مدون تعليق أقل ما يقال عنه انه غير مهذب ودخلت اشوف ايه الحكاية ويارتني ما دخلت ونستفيد من الموقف ده ايه ؟؟؟؟
كل تعليق ينضح بنوع صاحبه
هيحصل ايه للايميل بتاعك لما تموت...؟
مفكرتش في الحكاية دي خالص غالبا هايتقفل لأني مش هابقي بستعمله ولو حسيت اني هاقابل وجه كريم ممكن اطلب من اصحابي يحذفوا ميلي علشان مش يفتكروني كل ما يفتحوا ميلهم الفراق صعب
اديت الباسوورد بتاعك لحد ...؟
أيوة مرة واحدة بس ومش هاكررها تاني ابداً ابداً ابداً ( إن شاء الله يعني )
السفر بالنسبالك ايه ...؟
يالهوي يالهوي انا قايمة نايمة أكلة شاربة واخده شور بحلم بالسفر ، ده أجمل شئ ممكن اعملة في حياتي طب ده انا حتي لو عندي سفريه الصبح مش بنام من كتر الفرحة حتي لو مسافرة الفيوم.
المود بتاعك ؟
هع هع هع هع هع انا اصلا برجي مائي يعني متقلب متقلب متقلب افرح من غير سبب وأزعل من غير سبب وممكن افرح وازعل في دقيقة واحدة وممكن ابقي هادية ورايقة زي يوم مشمس ومزعببه وثائرة زي عواصف المحيطات – أيوه الشديدة دي اللي بتطلع في الأفلان الأجنبي -
بتعمل ايه في وقت فراعك..؟
وقت فراااغ .... وقت فرااااغ .... وقت فراااااغ الكلمة دي بتزن في دماغي مصاحبها هرش في راسي – لاء مش علشان بزعج السكان ;) بحاول أفتكر معناها عموما أحتمال احسب الوقت اللي بقضية في المواصلات وقت فراغ بس في الغالب هاريح عنيا من الكي بورد والشاشة وأمليهم بالتليفزيون :D
وأقولة يا ما انتا وحشنيييييييي
الأكلة المفضله...؟
باكل كل الأكل والحمد لله ماعدا اللي بيعملي حساسية بس المفضل المفضل محشي ورق العنب ، البط والسمان ، الجنبري والكابوريا ، فته الكوارع ، ولحمه الراس ، الفاست فود عموما ، الفول بالبيض
الصفات اللي ورثتها عن والدك.؟
ورثت شكله انا شبهه خالص خالص وكمان طريقة تفكيره
الصفات اللي ورثتها عن والدتك ..؟
ولو أن صعب عليا ان أعترف كتابتة بالموضوع ده بس بالرغم اني ورثت بابا في الشكل اخدت صفات ماما من جواها مش عاوزه بقي اشكر في ماما علشان شهادتي مجروحة لكن اللي بيصعب عليا الإعتراف ده اني ياما لومت ماما علي طيبتها الزياده وتسامحها في حقها وكنت بشوفه ضعف منها لكن في الحقيقة لما اكتشفت اني اشبهها من جواها وانه مش ضعف ولا حاجة اضايقت من نفسي قوي قوي علشان اكيد كلامي كان بيضايقها
اكتر ست حاجات بتكرهها...؟
الكدب ( كلنا بنكره لكن مش بنتورع عن ممارسته بدرجات ) – الخيانه ( مؤلمة لدرجة لا توصف ) – الناس اللي بتلبس ماسكات – البنات الهايفة – الشباب المايص – ان حد يخذلني
اكتر ست حاجات بتحبها...؟
بحب عيلتي جداً وهما اول وتاني وتالت حاجة بحبها
بحب النجاح قوي
بحب الناس وخصوصاً أصحابي
شخصيتك نوعها ايه....؟
علي حسب مين اللي شايفها معظم الناس شايفاني حد قوي وجامد واسد في أي مصيبة والكلمة اللي بتغظني قوي انتي قدها وقدود – نفسي تغيروها – في ناس شايفة اني حد هادي قوي وطيب وغلوبه( مخدوعين ) :D
في ناس شايفة اني سوسه وحويطة وبيتهموني لا سمح الله ان مخي نضيف ( فاهمين غط )
في ناس شايفة اني حد لذيذ ومسلي وقاعدتة حلوة
وناس شايفة اني حد نكدي بتاع مشاكل
الخلاصه انا شايفه نفسي ازاي انا كل دول في بعض وبستمتع جداً بكوني خلطة من الشخصيات المتناقضة
الشغل بالنسبة لك ايه...؟
الشغل هو حياتي بجد بلاقي فيه نفسي وطموحي ومش متخيلة حياتي من غير شغل ولو اني موظف من نوع خاص يعني مينفعش معايا الدلع دايما لازم اضغط واطحن علشان اادي أداء عالي بابقي بعيط وبشد في شعري وبشهد طوب الأرض علي مديري اللي مرمطني وانا من جوايا مبسوطة بأني مش بخيب ظنه فيا أبدا والحمد لله وبموت في انه يتحداني ويرازيني بحاجة مش بعرف اعملها واخلصها علي احسن ما يكون
لماذا دخلت عالم التدوين ...؟
هو سبب واحد مفيش غيره اني قال ايه اطلع الزن اللي دماغي اتاريني كل ما اطلع شوية زن تشحن زن تاني اطلع شوية تشحن زن تاني وكمان بقي ايه في كل الإتجاهات انا ساعات بخاف علي دماغي مش بتبطل زن لا ليل ولا نهار
اجمل كلمه اتقالت في وصف مدونتك.....؟
هو في الحقيقة الكلام كتير والنقد الإيجابي علي قفا من يشيل في المدونة دي ولا التانية ( في الحلم طبعاً )
ده انا حتي حالي واقف والسوق عندي مريح اليومين دول
لا بجد أي حد بيشوف في اللي انا بكتبه ده أي قيمة بيبقي كأنه كتب في مدونتي معلقة بحالها
أهمية التعليقات بالنسبه لك ؟
مهمة جداً بس مؤخراً بقيت أهتم أن الموضوع يتقري كويس أكتر من عدد التعليقات انا حتي بفرح قوي لما الاقي حد بيقولي انه بيقرالي ومكنش بيعلق ودي بتحصل كتير
احسن بوست كتبته ....؟
لسه مكتبتوش
افضل بوست قرأته ...؟
لا كتيير أكتر حاجة محبباني في التدوين انه بالنسبة ليا زي الحديقة الغناء – منين متبص تلاقي زهور وورد ورياحين – صحيح مش هانكر اني في جنب المجاري بعيد عنكم طافحة فيه بس عادي مش بقيت اعدي من عنده
افضل مدونة قرأتها ...؟
لا خير ربنا كتير والحمد لله بس بجد في مدونات لازم لازم اقراها وفي ناس بلاقي كدة ايدي راحت علي الماوس ودخلت عندهم علي طول
زي مين كدة :
بطووووط بنت الإسلام
آبي وكوكبها
البت اللي مش خيخة وأي كلام
فاتيما روح قلب ماما
وليد عارفة...مش عارف ليه ؟
قوس قزح
يالهوي كده هانسي ناس كتير – ربنا يسامحك ياللي في بالي -
النت بالنسبالك ايه...؟
إدمان ومن زمااااااااان جداً وعشرة عمر ( اه والله يجي من 10 سنين كده ) اسوأ كام ساعة ممكن يعدوا عليا لما الشركة تقطع النت في البيت واستني علي نار لحد ما اروح الشغل وتبقي كارثة لو لا قدر الله فصل في الشغل كمان
تمرر التاج لمين...؟
لا المرة دي تدبيسه واللي مش هايجاوب علي التاج هو حر السته اللي تم ذكرهم فوووق يجاوبوا يعني يجابوا الناس الكسلانه اللي مش بتحب تعمل الواجب انا عندي امتحانات صحيح ومش بتابع صحيح بس هاتجاوبوا وهما عارفين نفسهم ماشي
اسمك....؟
أمممممممممم بتاع المدونة ولا بتاع الحكومة ;)
مشيها ميرا
المشهور بيه وسط اصحابك ؟
لا بقي أنا اصلا اخويا من أكتر الأسامي بتاعتي بيفكر يبلغ عني نصب وإحتيال مش هاقدر أدي أمثله كده هاذكر أسماء آليت علي نفسي ( جامدة آليت دي ) أني مذكرهاش
سنك...؟
عادي خالص انا صحيح وومن بس ولا تفرق معايا حركات وكلاء النيابة دي تمنتاشــ ... عشييــ ... هو من الأخر داخله علي سبعه وعشرين بس هالف وارجع تاني :P
مجال دراستك ؟
إدارة الأعمال يا أفندم وده كان إختياري من وانا في إعدادي غالباً عندي مبادئ إستبداد والله أعلم
اسم مدونتك ..؟
حاجات تغيظ يا بيه – ده تاج ده ولا محضر شرطة – ايوة كل ما بتغاظ با جي افضفض هنا
الصوره الرمزيه لمدونتك بتعبر عن ايه ...؟
الصورة المزرية !!! أأقصد الرمزية يا باشا بتبعبر عن اسمي اللي بمضي بيه اللي هو وومن واخترتها بنوته جميلة بهدوم النوم بتبص من شباك وعجبتني لأنها بسيطة قوي أحم أحم أنثوية قوي
هل فكرت في اغلاق المدونه ؟ والسبب ..؟
انبوسيييييييييييبل – ايوة هي دي بتاعه توم كروز – اما اجيب ضرف دي اومال افضض فين ؟؟ هه ؟ أمشي بقي أكلم نفسي زي المجانين
ايه رد فعلك لو حد قل ادبه عليك في تعليق ...؟
طيب قصدك قلة أدب قلة أدب هايبقي هوه اللي جابه لنفسه صحيح انا هنا بهنزر وبضحك وقالباها مرجيح انما أي حد تسوول له نفسة بالإستظراف أو الإستخفاف أو قلة الأدب هايشوف ردود غير متوقعه وبالأدب برضة
اسوء مدونه...؟
مدونة صاحبها كان معلق عند زميل مدون تعليق أقل ما يقال عنه انه غير مهذب ودخلت اشوف ايه الحكاية ويارتني ما دخلت ونستفيد من الموقف ده ايه ؟؟؟؟
كل تعليق ينضح بنوع صاحبه
هيحصل ايه للايميل بتاعك لما تموت...؟
مفكرتش في الحكاية دي خالص غالبا هايتقفل لأني مش هابقي بستعمله ولو حسيت اني هاقابل وجه كريم ممكن اطلب من اصحابي يحذفوا ميلي علشان مش يفتكروني كل ما يفتحوا ميلهم الفراق صعب
اديت الباسوورد بتاعك لحد ...؟
أيوة مرة واحدة بس ومش هاكررها تاني ابداً ابداً ابداً ( إن شاء الله يعني )
السفر بالنسبالك ايه ...؟
يالهوي يالهوي انا قايمة نايمة أكلة شاربة واخده شور بحلم بالسفر ، ده أجمل شئ ممكن اعملة في حياتي طب ده انا حتي لو عندي سفريه الصبح مش بنام من كتر الفرحة حتي لو مسافرة الفيوم.
المود بتاعك ؟
هع هع هع هع هع انا اصلا برجي مائي يعني متقلب متقلب متقلب افرح من غير سبب وأزعل من غير سبب وممكن افرح وازعل في دقيقة واحدة وممكن ابقي هادية ورايقة زي يوم مشمس ومزعببه وثائرة زي عواصف المحيطات – أيوه الشديدة دي اللي بتطلع في الأفلان الأجنبي -
بتعمل ايه في وقت فراعك..؟
وقت فراااغ .... وقت فرااااغ .... وقت فراااااغ الكلمة دي بتزن في دماغي مصاحبها هرش في راسي – لاء مش علشان بزعج السكان ;) بحاول أفتكر معناها عموما أحتمال احسب الوقت اللي بقضية في المواصلات وقت فراغ بس في الغالب هاريح عنيا من الكي بورد والشاشة وأمليهم بالتليفزيون :D
وأقولة يا ما انتا وحشنيييييييي
الأكلة المفضله...؟
باكل كل الأكل والحمد لله ماعدا اللي بيعملي حساسية بس المفضل المفضل محشي ورق العنب ، البط والسمان ، الجنبري والكابوريا ، فته الكوارع ، ولحمه الراس ، الفاست فود عموما ، الفول بالبيض
الصفات اللي ورثتها عن والدك.؟
ورثت شكله انا شبهه خالص خالص وكمان طريقة تفكيره
الصفات اللي ورثتها عن والدتك ..؟
ولو أن صعب عليا ان أعترف كتابتة بالموضوع ده بس بالرغم اني ورثت بابا في الشكل اخدت صفات ماما من جواها مش عاوزه بقي اشكر في ماما علشان شهادتي مجروحة لكن اللي بيصعب عليا الإعتراف ده اني ياما لومت ماما علي طيبتها الزياده وتسامحها في حقها وكنت بشوفه ضعف منها لكن في الحقيقة لما اكتشفت اني اشبهها من جواها وانه مش ضعف ولا حاجة اضايقت من نفسي قوي قوي علشان اكيد كلامي كان بيضايقها
اكتر ست حاجات بتكرهها...؟
الكدب ( كلنا بنكره لكن مش بنتورع عن ممارسته بدرجات ) – الخيانه ( مؤلمة لدرجة لا توصف ) – الناس اللي بتلبس ماسكات – البنات الهايفة – الشباب المايص – ان حد يخذلني
اكتر ست حاجات بتحبها...؟
بحب عيلتي جداً وهما اول وتاني وتالت حاجة بحبها
بحب النجاح قوي
بحب الناس وخصوصاً أصحابي
شخصيتك نوعها ايه....؟
علي حسب مين اللي شايفها معظم الناس شايفاني حد قوي وجامد واسد في أي مصيبة والكلمة اللي بتغظني قوي انتي قدها وقدود – نفسي تغيروها – في ناس شايفة اني حد هادي قوي وطيب وغلوبه( مخدوعين ) :D
في ناس شايفة اني سوسه وحويطة وبيتهموني لا سمح الله ان مخي نضيف ( فاهمين غط )
في ناس شايفة اني حد لذيذ ومسلي وقاعدتة حلوة
وناس شايفة اني حد نكدي بتاع مشاكل
الخلاصه انا شايفه نفسي ازاي انا كل دول في بعض وبستمتع جداً بكوني خلطة من الشخصيات المتناقضة
الشغل بالنسبة لك ايه...؟
الشغل هو حياتي بجد بلاقي فيه نفسي وطموحي ومش متخيلة حياتي من غير شغل ولو اني موظف من نوع خاص يعني مينفعش معايا الدلع دايما لازم اضغط واطحن علشان اادي أداء عالي بابقي بعيط وبشد في شعري وبشهد طوب الأرض علي مديري اللي مرمطني وانا من جوايا مبسوطة بأني مش بخيب ظنه فيا أبدا والحمد لله وبموت في انه يتحداني ويرازيني بحاجة مش بعرف اعملها واخلصها علي احسن ما يكون
لماذا دخلت عالم التدوين ...؟
هو سبب واحد مفيش غيره اني قال ايه اطلع الزن اللي دماغي اتاريني كل ما اطلع شوية زن تشحن زن تاني اطلع شوية تشحن زن تاني وكمان بقي ايه في كل الإتجاهات انا ساعات بخاف علي دماغي مش بتبطل زن لا ليل ولا نهار
اجمل كلمه اتقالت في وصف مدونتك.....؟
هو في الحقيقة الكلام كتير والنقد الإيجابي علي قفا من يشيل في المدونة دي ولا التانية ( في الحلم طبعاً )
ده انا حتي حالي واقف والسوق عندي مريح اليومين دول
لا بجد أي حد بيشوف في اللي انا بكتبه ده أي قيمة بيبقي كأنه كتب في مدونتي معلقة بحالها
أهمية التعليقات بالنسبه لك ؟
مهمة جداً بس مؤخراً بقيت أهتم أن الموضوع يتقري كويس أكتر من عدد التعليقات انا حتي بفرح قوي لما الاقي حد بيقولي انه بيقرالي ومكنش بيعلق ودي بتحصل كتير
احسن بوست كتبته ....؟
لسه مكتبتوش
افضل بوست قرأته ...؟
لا كتيير أكتر حاجة محبباني في التدوين انه بالنسبة ليا زي الحديقة الغناء – منين متبص تلاقي زهور وورد ورياحين – صحيح مش هانكر اني في جنب المجاري بعيد عنكم طافحة فيه بس عادي مش بقيت اعدي من عنده
افضل مدونة قرأتها ...؟
لا خير ربنا كتير والحمد لله بس بجد في مدونات لازم لازم اقراها وفي ناس بلاقي كدة ايدي راحت علي الماوس ودخلت عندهم علي طول
زي مين كدة :
بطووووط بنت الإسلام
آبي وكوكبها
البت اللي مش خيخة وأي كلام
فاتيما روح قلب ماما
وليد عارفة...مش عارف ليه ؟
قوس قزح
يالهوي كده هانسي ناس كتير – ربنا يسامحك ياللي في بالي -
النت بالنسبالك ايه...؟
إدمان ومن زمااااااااان جداً وعشرة عمر ( اه والله يجي من 10 سنين كده ) اسوأ كام ساعة ممكن يعدوا عليا لما الشركة تقطع النت في البيت واستني علي نار لحد ما اروح الشغل وتبقي كارثة لو لا قدر الله فصل في الشغل كمان
تمرر التاج لمين...؟
لا المرة دي تدبيسه واللي مش هايجاوب علي التاج هو حر السته اللي تم ذكرهم فوووق يجاوبوا يعني يجابوا الناس الكسلانه اللي مش بتحب تعمل الواجب انا عندي امتحانات صحيح ومش بتابع صحيح بس هاتجاوبوا وهما عارفين نفسهم ماشي
|
ههههههههههههههههههههه
قصدك مين بقى بالكسلانة اللى مش بتعمل الواجب ؟؟
ماااشى
اخف بس من دور البرد ده و انا اعمل التاج دور تانى ان شاء الله
ايه كميه العقل دى :D
اجابتك هاديه وبتفكرى كتير اوى فى كل أجابه
صح صح قولى صح متتكسفيش :D
ربنا يوفقك فى شغلك وتوصلى للمكان الابتتمنيه
سلااام
هههههههههه
كا ده تاج
يا بنتى مش قولتلك انك رغاية مووووووت
ما فيش فايدة
هههههههه
ربنا يكرمك اجابات رائعة جدا مع انى شايف اغلبها فعلا من غير كتابة
تحياتى
خلاص يا ستى المرة الجاية هبعتلك توك وبنس للشعر وممكن شاحن موبايل كمان
ههههههههههههههه
بس واضح انك شخصية من النوع اللى بيحدد اهدافه ويسعى لها وفى نفس الوقت رقيقة بردو.. ويعنى كلنا بنبقى مليانين متناقضات وكل واحد بيبقى شايفنا شخصية مختلفة
قوس قزح
شوفتي بقي انا مقولتش دودو بس كل واحد عارف نفسة اهو
هههههههههههههههه
سلامتك يا قمر الف سلامة شدي حيلك مستنين الدور التاني
أمبارح كان عمري عشرين
عقل يالهوي وادي تهمة تانية ايه مش كفاية الأولانية
أيو طبيعي لازم تبقي هادية مش بتتجاوب الساعه خمسة الصبح في اهدي من كدة
لا هانكسف من ايه فعلا كنت بفكر بس في اتجاه واحد بس انا بقول الحقيقة ولا لاءانا كدة بصحيح ولا بجامل نفسي
والتفكير ده هو اللي مش بيخليني اجاوب علي تاجات كتير دماغي مش ناقصة زن
منور منور منور
همس الأحباب
أيوة رغاية وباكل ودن اللي يقع تحت ايدي ومش لازم تصيحلي في المدونة في ناس لسة اهي بتقول عاقلة وناس بتقول هادية
انت كدة هاتكشفني هههههههههههههه
خالص تحياتي ومودتي
MaNoOoSh
اوك توك شعر وبنس ماشي بلاش شاحن الموبايل موبايلي الشاحن بتاعه مش بيجي غير من التوكيل ده لو اصلا لقيناه
احم احم الكلام الجامد ده ليا انا ( وش مكزوف خالث ) وكمان رقيقة ( وش محمر خالث خالث )
ده بس من زوقك ورقتك فعلا عندك حق كلنا مليانين بالمتناقضات بس بجد ميرسي علي التاج ده انا مبسوطة اني جاوبتة
خالص تحياتي وأرقها
التاج سمح لنا نقرب من شخصيتك أووووي
ودي ميزة الموضوع ده
وبالقطع سعيد جدا بوجودي ضمن الناس المقربين من مدونتك
وده شرف كبير وخصوصا من حد أعرف إنه قارئ جيد
وأنه دماااااغ
خالص تحياتي
وإن شاء الله دايماً يكون التوفيق حليفك في كل خطوة بإذن الله
تحياتي
وليد
!!! عارفة ... مش عارف ليه
ايه الكلام الكبير ده يا وليد وأكيد يعني انا اللي اتشرفت طبعاً بكونيواحدةمن قراء مدونتك ، ثم إية التهم اللي عمالة تتحدف علي الواحد دي مش كفاية مخي نضيف وعاقلة ورقيقة لا ختمتها أنت كمان بدماغ
طب مش مجاوبة علي تاجات تاني كدة هانكشف ولا أيه
منورني منورني
اجاباتك واضحه ياقمر
عامله ايييييييييه ياتوتا وحشاني انتي كمان وربنا
مبروووك التاج
اجابات جميله :)
ههههههههه
اول مرة ادخل عندك
عجبنى اسلوبك وخفة دمك
وكله كوم
وكلمة انبوسيبل دى كوم تانى
اجابات رائعة كما انتي..حلم
محتاجين نتــــــــحرق بجاز وسخ للضرر والمضرة
علشان نتطهر وننضــــــــف ولا نتوسخ تانى مـــره
طالما الحق لم يحق والعدل اتبدل وصار تجربه مره
والباطل صار مسيطر على العقل والقلب والسرة
ولعلع بفساده وعناده وظلمه للحـــــــــر والحـــرة
لان اليومين دول يومين الظالم والبلطجى والجره
ومن يطلب العدل ميزاننا عطلان يروح يوزن بره
هيلاقى بعيد عنا العدل والمساواة والفرح والمسرة