في شوية أسئلة كدة عمالة تزن في دماغي بقالها فترة ياريت حد يجاوبني عليها ويقولي انا بفكر صح ولا غلط ؟
من كام يوم كدة كنت قاعدة في الشغل وأثناء الكلام مع زميل ليا عن السوياسة اللي كل الناس بتحب تتكلم فيها ومبتحبش تمارسها
قالي شوية حاجات كدة خلتني افكر هو التاريخ اللي احنا بندرسة صح ولا غلط؟؟
هاتقلولي ياعني ايه يابت يا ميرا يعني معروف ان التاريخ بيكتبة المنتصر وبناء عليه بقي عندي شوية تساؤلات كدهون
الجملة الشهيرة أن جمال عبد الناصر أول مصري يحكم مصر من عصر الفراعنة ؟؟؟
أومال الملك دة كان إيه ؟؟ يوغسلافي
يردو عليا يقولولي لالالالالالالا ده كان تركي
ياحلولي والنبي صحيح لا هو مكنش مصري محمد علي أصلا مكنش تركي تخيلوا بقي كان ألباني طب سيبكم من محمد علي أزاي تقولوا علي واحد جد جد جد جدة أتولد في مصر مش مصري !!!!
طيب حلو قوي أشمعني يعني العائلة العلوية هي اللي مش مصرية وفين كل الجنسيات اللي جت مصر واستقرت فيها وبقت مصرية بالمولد والنشأة ؟؟؟
طيب اساساً اساساً مين اللي حط محمد علي علي كرسي الحكم مش محمد كريم طيب نفسي اعرف بعد ما محمد كريم طرد الفرنساويين ولي محمد علي ليه ؟؟
مكنش هايقدر علي المماليك ؟؟ مهو محمد علي دباحهم
علشان مصر تحت الولاية العثمانية ؟؟ محمد علي حارب الآستانة وأجبرهم علي الإستقلال !!!
شوفوا مفيش في دماغي غير سبب واحد ان المصريين في الوقت ده كانوا مقتنعين ان مينفعش يحكمهم مصري
سيبوكوا من دي بيقولوا أن المصريين شاليين من الخديوي علشان حفر قناة السويس بالسخرة انما احنا لما عملنا قناة السد العالي دفعنا مرتبات للناس
طيب انا بفكر كدة هو قناة السويس اتحفرت سنة كام ؟؟
1859- 1869 الفترة دي كانت نظام السخرة نظام موجود وشائع يعني لا الخديوي سعيد ولا الخديوي أسماعيل أخترعوه وكانت العبودية لسة معمول بيها
طب علمكم بقي السخرة كانت أيام ملوك الفراعنة برضة وكانت سمة أي مشروع قومي عملاق ، خلونا نتفق ان المؤرخين أجمعوا ان شروط حفر القناة كانت مجحفة و جت علي مصر و … و … لكن برضة نكون موضوعين شوية وموضوع السخرة دة استغل اعلامياً جامد يعني وكفاية التاريخ اللي درسناه في المدارس
طيب حاجة كمان بقي ضاغطة عليا قوي قوي بيقولوا أن الثورة خلت التعليم مجاني طب سؤاااال
هو قبل الثورة كان بفلوس ؟؟؟
اه كان بفلوس بس يعني الثوار مش أستفادوا من نظام التعليم ساعتها مهما كانوا ولاد ناس من الشعب يعني الفقرا برضة كانوا بيتعلموا ؟
طب سؤال كمان بعد اكتر من 52 سنة علي الثورة ولسة عندنا نسبة أمية عالية ورغم مجانية التعليم فالتعليم الحقيقي حاليا هو اللي بفلوس ومش اي فلوس كمان ونظام المجانية أثبت فشلة ومبقاش مجاناً خالص
طويب بلاش دي الإصلاح الزراعي !!! لا هي الزراعه كانت بايظة أصلا وأتصلحت طيب بصوا كدة لحال الزراعة دلوقتي
خمس فدادين اتفتتوا مع الوراثة واللي اخد خمسة كل ولد من ولادة فضلهم كام قيراط واللي من بعدهم كام سهم
وبرضة التجربة اثبتت فشلها لأن الزراعه علشان يبقي ليها عائد إقتصادي لازم تبقي في مساحات كبيرة والدليل علي كدة المزارع في بلد زي أمريكا اللي هي قوة افتصادية زراعه وصناعة الملكيات الزراعيه فيها كبيرة جداً
طيب ليه كل الناس بتقول ان ما قبل الثورة كان عهد إقطاعي شرير طيب هو مين بني جامعه القاهرة ؟ مين بني خزان أسوان ؟ مين اللي أنشأ المتحف المصري ؟ مين اللي أنشأ استوديو مصر ؟ هي مصر كانت خربانة وعمرت ولا ايه يا اخونا حد يقولي
يالههههههههههههههههههههههههههههههههههوي
|
هههههههههههههههههههه والنبي ياختي مش انتي لوحدك اللي مفروسة
بلاش كتب اسالي الجدود هيحكولك عن زمان تحسي انهم ناس بجد يلا الحمد لله
بالعكس العهد الملكي كان عهدا ثريا
سواء على الجانب الإقتصادي العام للبلد أو على الجانب السياسي
فيكفي ان الملك كانت له معارضه قويه من الحكومه رغم ضعف الإمكانيات وقتها وتسلط الإحتلال على كل مقدرات البلد
مصر في العهد الملكي كانت أفضل بكثير من مصر في العهد الجمهوري في أشياء كثيره ولكن ذلك لا ينفي وجود عيوب في الحكم وقتها ولكننا لدينا عيوب حاليا في نظام الحكم قد تفوق ما كانت عليه أوضاع العيوب في تلك الأيام
موضوع جميل
السلام عليكم
عشان تريحى بالك مصر دى بلد زبالة
ميعجبهاش العجب ومبتحبش الراحة
وملهاش غير بالجزمة على دماغها
مصر بتحب كدة
اما الوش اللى انتى قولتيه ده
والوش اللى اتقالك
فكلام كتب مدارس ورد على كتب مدارس
لا بيقدم ولا بيأخر ومينفعش مع مصر
لما اقصد مصر بقصد طبعا الشعب
عرفة فاروق
السلام عليكم
عشان تريحى بالك مصر دى بلد زبالة
ميعجبهاش العجب ومبتحبش الراحة
وملهاش غير بالجزمة على دماغها
مصر بتحب كدة
اما الوش اللى انتى قولتيه ده
والوش اللى اتقالك
فكلام كتب مدارس ورد على كتب مدارس
لا بيقدم ولا بيأخر ومينفعش مع مصر
لما اقصد مصر بقصد طبعا الشعب
عرفة فاروق
التاريخ يكتب بمزاج الحكام فى الفترة اللتى يكتب فيها
بمعنى هاتلاقى التاريخ الأموى بيشتم فى العباسي
والمماليكى بيشتم فى الاموى
وهكذا
اما الحقيقه
فكالعادة ضاعت فى زمن لم تعد به تلك الكلمة لها معنى
تحياتى
التاريخ المدرس بيعمل كده بينسف القديم علشان يحيى الجديد
نظام عاش الملك مات الملك
و الغيظة ديه من ايام الفراعنة
لما كان الفرعون بيكسر نقوس الفرعون الى قبله او يحط عليه جبس و يرسم خرطوشة هو
بس التاريخ الحق هو مصدرين
القران فى قصص احوال البلاد و الانبياء السابقين للعظة و الاعتبار و التحذير
و كتب التاريخ المختلفة الاراء
فى اختلافها بتظهر الحقيقة
و المستخبى بيبان حتى و لو بعد زمن
بس للاسف ماهياش بشهرة و ثبات القران
يعنى اى مسلم بيتعلم لاقران فى الكتاب او المدرسة بيتعلم التاريخ النبوى زى ماهو بدون تحريف (جايز رؤى مختلفة للتفسير ) بس النص ثابت
انما كتب التاريخ الى احنا بنكتبها مبيقرهاش الا المتعلمين و المثقفين و المتعطشين للمعرفة (:-) الى مش عايز يبقوا تبع القطيع و خلاص )
لا ايام الملك وحشة و لا الثورة لكل منهم مميزاتها و عيوبها
و لكل منهم ناس استفادوا و اتاذوا بسببها
و بعدين
من واحدة اتعلمت بفلوس و ببلاش فى خلال مرحلة التعليم
مش اى تعليم مجانى يبقى سئ و لا اى تعليم بتدفعى فيه مال قرون مفيد
الاساس هو المهم
المدرس و الادارة و بيئة الطالب و دماغه
ريحى راسك ومتتناقشيش النقاشات بقيت ممله
درسنا التاريخ غلط !!!
مافيش تاريخ صح
التاريخ بيكتبه واحد وبيقول اللي هو عايزه وينكر اي كلام تاني وبلاش دوشه
في معبد حتشبسوت في الاقصر ، هي كتبت التاريخ علي مزاجها علي المعبد
جم اللي بعدها مسحوا الكتابه لانها كانت عبيطه كاتبها من فوق الوش ، اللي بعدها كان ناصح حفر الكتابه بحيث محدش يعرف يشيلها ...
التاريخ حودته ، جربي انت وخمسه من اصحابك يحكوا نفس الحدوته اللي شافهوها سوا ، حتطلع خمس حواديت لغايه ان واحد منهم حيقول محصلتش اساسا !!!
ايه اللي صح وايه اللي غلط
حسب انت شايفه الدنيا ازاي
شركة تنظيف بالدمام
شركة تنظيف منازل بالدمام
شركة تنظيف فلل بالدمام
شركة تنظيف شقق بالدمام
شركة تنظيف مجالس بالدمام
شركة تنظيف موكيت بالدمام
شركة تنظيف سجاد بالدمام
شركة عزل اسطح بالدمام
شركة الصفرات لتنظيف المنازل